Verkfall rakar Sement

01.02.2012 - Helena Lamhauge

Margarinfabrikkin, ið er fyriskipari av tónleikakappingini Sement, boðar frá, at tiltakið er útsett vegna verkfall.

-At verkfallið og Sement skuldu renna saman soleiðis, er sera óheppið. Men tað merkir ikki, at tiltakið er avlýst. Føroya størsta tónleikakapping verður í ár - spurningurin er bara nær?
So leingi verkfall er, er tiltakið útsett. Hetta merkir, at í núverandi løtu ber ikki til at fastseta nýggja tíð til Sement 2012.

Fyrireikingarnar verða tiknar upp aftur og almenningurin kunnaður gongdina, tá ið verkfallið er liðugt, siga fyrireikarar.